~¤ô¦¦§¦¦ô¤~ كلمات أغاني الفنان طاهر الاحسائي

السلام عليكم ورحمة الله وبركاته

بإذن الله سيكون هذا الموضوع مخصص ( فقط ) لكلمات الأغاني التي تغنى بها هرم الأغنية الشعبية

طاهر علي الاحسائي . والتجديد سيكون مستمر في الاضافة والمجال مفتوح لمن أراد المساهمة في ذلك من خلال

هذا الموضوع مع مراعاة الآتي :

* يمنع كتابة كلمات الأغاني لغير الفنان / طاهر علي الاحسائي

* معرفة الكلمات بشكل دقيق وصحيح قبل كتابتها هنا بعيدا عن التحريف او الاجتهاد

* تنسيق القصيدة قدر الامكان من خلال مربع النص او من خلال البرامج المتعددة لتنسيق الابيات الشعرية

متمنين للجميع المتعة والفائدة

-------------------------------------------------------

(( آه من عصر مضى لي وانقضى ))

آه من عصر مضى لي وانقضى = مع حبيب القلب بو سود العيون
طفل بسيهات قلبي عذبه = لي ثلاث شهور تايه بالظنون
انتظر عطفه حبيبي والرضا = مالك قلبي بزينه والفنون
يا عذولي فيه لو طال الجفا = هو بعد روحي ومطلوبه يهون
حالف منساه لو انه هفا = بو شعر أشقر وقليبه حنون
الهوى والحب قبلي عذبه = صاب بن لعبون ياللي تفهمون
يا هبيل الراي خلك دالها = في هوى الخفرات لا يصيبك جنون
والجنوبي والشعر قد عذبه = دايم زعلان والناس يفرحون
ما بقى قرطاس عنده ما كتبه = جالس بالبيت ويبدع بالفنون
ساهر ليله وروحه تالفه = دايم يشكي وهم مايرحمون
تكفى يا واصل مافيهم وفا = عرضوا العشاق حتى للسجون
ان بغوا وصلك يجونك بالخفا = وان بغيت الوصل فيهم مايجون

====================

(( ياحبيبي آه كثرت بي الجراح ))

يا حبيبي آه كثرت بي الجراح = رحت اعالجها ولا فاد الطبيب
قاللي الدكتور ماشوف بك جراح = فيك جرح الحب ولا اظنه يطيب
يطيب جرحك لا حصل سيد الملاح = قلت ابحاول الى عله يجيب
يا فهد بنصاه ولو دونه رماح = بنثني وافني حياتي للحبيب
الحبيب اللي بشوفه كل صباح = مع طلوع الشمس قاعد له رقيب
شفت زول الزين وازداد بي النياح = قلت شوف الحال هو منك صويب
بو جبين يشبه لنجم الصباح = عسى وصلك يامنى قلبي قريب
حن قلبه وقال ابشر بالصلاح = انا يمك وانت لي اغلى حبيب
استر بالي وكل ذاك الهم راح = من رضاك يامنية القلب العطيب
اجتمع شملي مع حلو المزاح = بو ثمان كنها صافي الحليب

تسلم اياديك يابوناصر


مجهود وموضوع جبار


الف الف شكر ياعميد

مشكور يابو ناصر

وياليت يوضح إسم الشاعر إذا فيه إمكانيه

( ياحلو ذا البكلة على وجه الجميل )

ياحلو ذا البكلة على وجه الجميل = على جبينه كما ريش النعام
غذّي من الريحان والمسك الأصيل = سبحان من سواك يابدر التمام
ابو ثمان شوفها يشفي العليل = والسن يلمع فيه من حدر اللثام
والخشم خنجر حدها قاطع صقيل = عزيل من شافه غدى حاله عدام
في شارع الصواغ عرّض يستميل = واشّر بكفّه مقصده رد السلام
صوت له ياسيدي وقف قليل = بحلفك بالله يا فرخ الحمام
اش مقصدك ياراعي الطرف الكحيل = قصدك تعذبني : قال والله حرام
قال لي اطلب قلت هذا مستحيل = ارجو السماحة منك يا ظبي العدام
لمّا سمعني قال أمرك يا خليل = واعمل بما تبغى عداك الملام
قلت اشهدنك بالملا مالك مثيل = لو ترحم اللي ما تهنا بالمنام

================
(( يا شريف ))

ياونة ونيتها ياشريف = خطرن على من سمعها ماينام
على الذي شفته بسوق القطيف = يمشي على هونه كمشي الحمام
شفته حياة الروح فوق الرصيف = واشّر علي بعد روحي بالسلام
خفيف ملبوسه وشكله لطيف = والعين ترمي مثل نبل السهام
قلت ارحم اللي من هواكم كليف = ماطاع فيك اللي يرد الكلام
اعطف على اللي عاش ماله وليف = مايريد غيرك في جميع الانام
حالي نحل والعقل مني خفيف = من سبتك حالي طواه السقام
ابوجديل فوق متنه نظيف = والخد برق اللي سرى في ظلام
والخشم حده لا لفت حد سيف = والعنق عنق اللي ربى في عدام
عذبتني ياريم وادي عفيف = وحرمت عيني من لذيذ المنام

..............

التكسي اللي شفتناه اليوم = بعد العصر في السوق وافاني
فيه الحبيب اللي حرمني النوم = متراكي في سيت وراني
من يوم شفته خاطري مهموم = خطر علي ياقرة اعياني
اشرت له يازين انا مظلوم = وقف دخيلك لا تعداني
لفت بطرف كن فيه سهوم =وحول من التكسي وحاكاني
قلت انتبه لي قال انا محكوم = ما يمكن اخذ واحد ثاني
قال الوداع وقلت ذا مفهوم = قصدك تشمت في عدواني
جلست حاير ما قدرت اقوم = من يوم هو اقفى وخلاني

دخلت سوق الخميس ماشي على فالي = وافيت زين المها بوخدود ورديه
قابلت زين المها لابس كعب عالي = ويصرقع العلك بين شفاه ماريه
وقفت في وقفتي الدمع همالي = زايد غرامي حين مر و نظر فيه
الناس تروح وتجي ما هي على بالي = كني بخيل فاقد له الف ربيه
جسم بلا قلب كنه منزل خالي = مهجور مافيه احد مديون راعيه
حبه قتلني ومزق جملة اوصالي = ونار حبه عملت في الجسم دوريه
من اجل حبه وطيت الشوك ما بالي = ودموع عيني جرت في كل ليليه
ارجوك ترجع ولايمكن تقول سالي = الحب يا صاحبي مأثر فيه
قضيت عمر في حبه بأنكالي = واسرفت لاجل الهوى ما تملك يديه

كل برد قلبه وهانت بلاويه = الا الجنوبي ما تسهل مراده
قلبي عليل وضايعه حيلتي فيه = يالله دخيلك من حياة القراده
محمود ندى مافاد قلبي اداويه = عشرين يوم اراجعه في العياده
دواي عند اللي عسى الله يخليه = اللي نحل حالي وبالهجر زاده
ليته يطريني مثل ماني اطريه = تطري له ايام الهنا والسعاده
لاشك ناسيني ولانيب ناسيه = مهما خذ الهجران والصد عاده
ان باعني برخيص مازلت شاريه = غيره فلا والله لي فيه راده
حبه بوسط القلب متمسك فيه = ما يمحي مهما يطول ابتعاده
ياعاذلي في الصاحب اللي مغاليه = كف العذل مالك من العذل فاده
تلومني في اذا حل طاريه = يروح ليلي ما اهتني في رقاده

بـرد الرسـايـل يــا حيـاتـي عـلـيّ شحـيـت = عسى ما حصل ما كدرك يا نظر عينـي
اروح البـريـد بـعــزم والمشـكـلـة لا جـيــت = اسـحـب ارجـيـلـي والهـواجـيـس تطـويـنـي
انا ماخبرت ولا اذكر اني عليك اخطيـت = بـلـيـا سـبـايـب يـاهــوى الــبــال نـاسـيـنـي
إذا كـــان مـنــي يـامـنـى خـاطــري مـلـيـت = مـــن الـخــط يـاسـيـد الـمـهــا لا تخـلـيـنـي
انـا كــل ماتـطـري عـلـيّ صـورتـك ونـيـت = مـالـي حـيـلـة الا الـدمــع وافـــرك ايـديـنـي
مع الناس اسبح وعلتي لا دخلت البيت = اعــاف الـكـلام ولا ابـغـى احــد يحاكيـنـي

لا تتـصـل بــي خـطـي الـيـوم مشـغـول = دور عـلـى غـيـري عـســى الله يعـيـنـك
لا تتصـل مشغـول خطـي علـى طــول = حـتــى الــرقــم بـاغـيــره لاجــــل عـيـنــك
بحـط لــي رقــمٍ عــن الـنـاس مجـهـول = خـــلاص كـــف الـهــرج بـيـنـي وبـيـنــك
لا تقول لي شنهي السبايب ولا اقول = كـانــك ذكــــي حــلــل كــلامــي بـحـيـنـك
اول تــقــول الــكــذب واقــــول مـعـقــول = يــــــومٍ قــلــبــي لــعــبــة فــــــي يـمـيــنــك
غريتـنـي بـهـرجٍ مــن شـفـاك مـعـسـول = وأصـدقـك مــا أرضــى بـشــيء يهـيـنـك
والـيـوم كـــل خيـانـت جـــات بـاصــول = قـريــت مـــا خـبـيـت لـــي فـــي جبـيـنـك

قلبي تهيض وقال .. في حب ذاك الغزال
اشغل فؤادي انشغال .. واقفى مليح الشباب

خلاني دايم طريح .. حاير وقلبي جريح
ياناس كيف استريح .. والحب كله عذاب

من شافي قال آه .. مسكين ماذا دهاه
الله يجبر عزاه .. زايد عليه الصواب

انا اشهد اني عليل .. والجسم مني نحيل
اسباب هذا الجميل .. شيبت وانا شباب

راحت حياتي عدام .. والجفن عاف المنام
يالله بحسن الختام .. طول علي الغياب

ليت الليالي تجود .. وايام الأول تعود
بعد الجفا والصدود .. يهون ذاك العذاب

يلتم شملي بهم .. واسعد إلا شفتهم
اقضي العمر عندهم .. ويتم كتب الكتاب

ياناس هذا مناي .. الله يحقق رجاي
امين قولوا معاي .. يا سامعين الجواب